56 Quotes

“Bilang guro, hindi ka dapat manguna sa mga naniniwalang hindi lahat ng tao ay may kapasidad matuto. Sumasalamin lang ito sa kapasidad mong magturo.”
― Bob Ong, 56

“Akala ko noon pinakamalaking problema ko na ang naging problema ko sa eskuwela. Malayo pala sa katotohanan. Pero maaga akong tinuruan nito na maging matibay, at natuto agad akong pumili ng kakapitan. Napakahalaga noon dahil doon nakasalalay kung magpapadurog ka sa tadhana o magpapahulma nang matibay.”
― Bob Ong, 56

“Sa libro lang maganda ang hardbound, hindi sa mukha.”
― Bob Ong, 56

“[K]aibiganin ang libro bílang bukal ng karunungan. Sa panahon ng impormasyon kung kailan ang kaalaman ay nasa dulo na ng daliri, ang kamangmangan ay malinaw na kapabayaan na lang at desisyon ng katamaran.”
― Bob Ong, 56

“Dahil sa sandaling humigit ang sinumang tao sa paninindigan mo, matutulad ka na lang sa aso na humahabol kung saan man hagisan ng buto.”
― Bob Ong, 56

“Kung kilig lang ang habol mo, ihi ang kailangan mo, hindi pag-ibig.”
― Bob Ong, 56

“Pinipilit kong maging laging bukás ang isip, pero bukás para salinan, at hindi para lang palitan ang laman at muling isara. Sayang ang kapasidad kong kilalanin pang mas maigi ang buhay kung malilimitahan sa iisang pilosopiya.”
― Bob Ong, 56

“Kung papanaw ka nang nasa kumportableng posisyon at masasabi mo muna ang pinakamahalagang bagay sa pinakaimportanteng tao sa buhay mo, wala na nga sigurong dapat hilingin pa.”
― Bob Ong, 56

“Mas makabuluhang regalo ang inilaáng oras at pinagsamáhang karanasan.”
― Bob Ong, 56

“Ayaw ko ng rumaragasang pagmamahal. Gusto ko lang ng tahimik pero tuloy-tuloy na daloy.”
― Bob Ong, 56

“Masarap man ang pagmamahal na kayang patunayan, ang wagas na pagmamahal, walang patunay na kailangan.”
― Bob Ong, 56

“Pero sino ba ang sabay na umibig at naging matalino?”
― Bob Ong, 56

“Mapapaisip ka kung tayo ang naging sinaunang tao na laging negatibo ang pananaw sa mundo, nakalabas pa kaya tayo sa mga kuweba?”
― Bob Ong, 56

“Kapaki-pakinabang ang social media para sa napakaraming bagay, pero hindi para sa mga taong hindi gustong matuto.”
― Bob Ong, 56

“Dahil ang matalino, kung hindi magbabahagi ng kaalaman, ay wala ring pinagkaiba sa bobo.”
― Bob Ong, 56

“Mas interesante ang táong may natitira pang misteryo at hindi mukhang nakabulatlat na dyaryo.”
― Bob Ong, 56

“Walang karapatang magpahayag ng pananaw ang walang kakayahan, oras, o tiyaga na umunawa sa binasa, tiningnan, o pinanood.”
― Bob Ong, 56

“Binabasa ang libro, hindi nililitratuhan.”
― Bob Ong, 56

“Tulad ng damit, may sukat din ang mga libro. Kung hindi kasya sa utak mo sa unang basa, subukan mo ulit sa ibang panahon... baka hindi ka na tanga.”
― Bob Ong, 56

“[M]ahalaga ang ambience para ma-appreciate ang binabasa. Unfair naman sa libro kung babasahin mo ito sa maling pagkakataon at huhusgahan mo nang wala ka sa tamang mood.”
― Bob Ong, 56

“[M]arami sa atin ay nagkaedad lang na mga bata.”
― Bob Ong, 56

“Kabilang tayo LAGI sa "iba" na hinahanapan natin ng disiplina.”
― Bob Ong, 56

“Turuan mo ang mga taong mag-isip. Tulungan mo ang kapwa mong maging maalam. Dahil ang matalino, kung hindi magbabahagi ng kaalaman, ay wala ring pinagkaiba sa bobo.”
― Bob Ong, 56