Wapusk nasjonalpark
Wapusk nasjonalpark | |||
nasjonalpark | |||
Land | Canada | ||
---|---|---|---|
Provins | Manitoba | ||
Wapusk nasjonalpark 57°46′26″N 93°22′17″W / 57.7739°N 93.3714°W | |||
Wikimedia Commons: Wapusk National Park |
Wapusk Nasjonal Park er ein nasjonalpark i Canada oppretta i 1996 som den 37. i landet. Han ligg 45 kilometer sør for byen Churchill i den nordaustlege delen av provinsen Manitoba, ved breidda av Hudsonbukta. Parken blei oppretta i 1996 og omfattar eit areal på 11475 kvadratkilometer. Han er særleg kjend for den rike førekomsten av isbjørnar, og wapusk tyder ‘kvit bjørn’ på cree. I parken finn ein eit av dei villaste og mest avsidesliggjande landskapa i Canada.
Det finst ei mengd fugleartar i Wapusk nasjonalpark, og han skal vera yngleområde for kortnebbekkasinsnipe.[1] Nasjonalparken er eit viktig oppfostringsområde for isbjørn (Ursus maritimus).[2]
I ein rapport frå 2010 dokumenterte biologar frå American Museum of Natural History og City University of New York at grizzlybjørnar hadde vandra inn i territoriet til isbjørnane. Forskarane hadde gjort sju observasjonar av grizzlybjørnar i Wapusk nasjonalpark sør for Churchill, mellom 2003 og 2008.[3][4]
Historie
[endre | endre wikiteksten]Wapusk nasjonalpark ligg i ein del av låglandet som omgjev Hudsonbukta. Dette er eit geologisk ungt landskap som er skapt gjennom landhevinga som har føregått og framleis føregår i området siden den seinaste innlandsisen smelta bort for cirka 9000 år sidan. Ein kan sjå spor etter eldre kystlinjer opptil 100 kilometer inne i landet. Dei tidlegaste bevisa for menneskeleg busetnad i området går tilbake til for rundt 3000 år sidan. Arkeologiske undersøkingar tyder på at fleirtalet av dei fyrste busetnadane låg i den nordlege enden av parken og var knytte til kystlinja. Busetnadane var sporadiske og sesonprega.
Dei fyrste europearane kom til Wapusk i 1610, etter at den oppdagingsreisande Henry Hudson gjekk i land i Hudsonbukta. Det budde då cree- og denefolk og inuitar i området. Kontaktane mellom den innfødde befolkninga og europearane var i fyrste omgang berre sporadiske, men kom seinare til å bli stadig meir varige. Historisk blei området forma etter at europearar kom dit av pelshandelen, særleg etter York Fort (seinare kalla York Factory) blei bygt i 1684. I 1717 etablerte òg Hudson's Bay Company ein handelsstasjon ved Churchill-elva.
Kjelder
[endre | endre wikiteksten]- ↑ Wells, Jeffrey Vance (2007). Birder's Conservation Handbook: 100 North American Birds at Risk. Princeton: Princeton University Press. ISBN 9780691123226. OCLC 124031808.
- ↑ Hogan, C Michael (18. november 2008). «Polar Bear: Ursus maritimus». GlobalTwitcher. Arkivert frå originalen 24. december 2008. Henta 8. juli 2012.
- ↑ Walton, Doreen (24. februar 2010). «Grizzlies encroach on polar bear territory». BBC News. Henta 8. juli 2012.
- ↑ «Grizzly Bears Move Into Polar Bear Habitat in Manitoba, Canada». Science Daily. 23. februar 2010. Henta 8. juli 2012.
- Denne artikkelen bygger på «Wapusk National Park» frå Wikipedia på dansk, den 11. juni 2023.