Musculo fibulal longa

En anatomia umana, la fibulal longa es un musculo surfasal en la comparte ladal de la gama. Lo ata per inclina la planta de la pede a via de la linia media de la corpo (eversa) e per estende la pede a su e avia de la corpo (flexe plantal) a la talo.

La fibulal longa es la plu longa e plu surfasal de la tre musculos fibulal. A sua fini alta, lo es liada a la testa de la fibula e sua "ventre" pasa a su longo la plu de esta oso. La musculo deveni un tendon cual envolve a sirca e a pos la maleolo ladal de la tarso, alora continua a su la pede per lia a la cuneforma plu media e la metatarsal prima. Lo es furnida par la nervo fibulal surfasal.