Jessica Fox (canoeist)

Jessica Fox

human

Ein sex anaa gender	female
Country wey e be citizen	Australia, France
Country for sport	Australia
Name in native language	Jessica Esther Fox
Name wey dem give am	Jessica
Family name	Fox
Ein date of birth	11 June 1994
Place dem born am	Marseille
Ein poppie	Richard Fox
Mummie	Myriam Fox-Jerusalmi
Sibling	Noemie Fox
Relative	Rachel Crosbee
Native language	English, French, Australian English
Languages dem dey speak, rep anaa sign	English, French, Australian English
Ein occupation	kayaker, canoeist
Educate for	New South Wales Institute of Sport, Blaxland High School
Sponsor	Red Bull GmbH
Sport	canoeing and kayaking
Sports discipline competed in	canoe slalom
Participant insyd	canoeing at the 2012 Summer Olympics – women's slalom K-1, canoeing at the 2016 Summer Olympics, 2020 Summer Olympics, 2024 Summer Olympics, canoeing at the 2024 Summer Olympics – women's slalom kayak cross
Dema official website	http://www.jessicafox.com.au

Jessica Esther "Jess" Fox OAM (born 11 June 1994) be French-born Australian world den Olympic champion slalom canoeist.^[1]

Fox make ein Olympic debut for 18 years of age insyd de 2012 Summer Olympics insyd London, wer na she win silver medal insyd de K1 event. She win bronze medal insyd de same event four years later insyd de Rio de Janeiro Olympics, den again for de 2020 Tokyo Summer Olympics,^[2] before finally she win de gold medal insyd de K1 event insyd Paris for de 2024 Summer Olympics. She sanso win gold for de 2020 Olympics insyd de C1 event, wey she cam turn de first Olympic champion for dat event insyd.

Fox win 22 medals for de ICF Canoe Slalom World Championships plus 14 golds (C1: 2013, 2014, 2015, 2018; K1: 2014, 2017, 2018, 2023; C1 team: 2013, 2015, 2019; K1 team: 2023; Kayak cross: 2021, 2022), five silvers (C1: 2019, 2022; K1: 2019, 2022; C1 team: 2017) den three bronzes (C1: 2010, 2023; K1 team: 2017). Ein 8 gold medals insyd individual events make am de most successful paddler, male anaa female, insyd World Championship history. She sanso win gold medal for de 2010 Summer Youth Olympics insyd de K1 event.

Fox, 8-time world champion den 2-time Olympic champion, dem consider am de greatest individual paddler of all time.^[3]

Fox dey compete den represent Australia for de 2024 Summer Olympics insyd Paris, France, for de Women's slalom K-1 insyd (for wich she win de gold medal), de Women's slalom C-1, den de Women's slalom kayak cross events for 27, 28, 30, den 31 July den 2 August to 5 August 2024 for de National Olympic Nautical Stadium of Île-de-France insyd Vaires-sur-Marne. Na she be de opening ceremony flag bearer give Australia for de Paris Olympic Games.

Fox was born in Marseille, France, den wen na she be four years old, she move to de suburb of Penrith, insyd Sydney, Australia plus ein family.^[4][5][6] Fox be Jewish,^{[7][8][9][10]} as be ein mommie,^[8][11][12] whereas ein poppie no be.^[13] Ein parents be Richard Fox den Myriam Fox-Jerusalmi, wey both compete as canoeists for de Olympics: ein poppie give Great Britain for de 1992 Games, den ein mommie give France for de 1996 Games wer na she win bronze medal.^{[4][5][14][15]} Ein poppie be Second Vice Presido of de International Canoe Federation, as well as Australian Canoeing's high-performance manager, den five-time world champion.^{[5][6][14][15][16]} Ein younger sisto Noemie Fox sanso be world champion slalom canoeist, den ein aunt Rachel Crosbee be former world championship slalom canoe silver medalist.^[17]

Fox attend Leonay Public School den then Blaxland High School, she fini ein HSC year by being first insyd New South Wales insyd de PDHPE for 2011 insyd, wey she get ATAR score of 99.1. She study insyd de Elite Athlete Program for The University of Sydney,^[18] wer she dey job for degree top insyd media/communications. She dey study for Bachelor of Social Science (Psychology) for Swinburne Online. She be bilingual insyd English den French.^[5][6]

Fox suffer back injury wey impact ein performance insyd 2012.^[14][15]

Fox dey race insyd K1 den C1 events wey ein mommie, Myriam coach am.^[6][14][15] She start insyd de sport for 2005 insyd by canoeing for de Nepean River top.^[5][6] She get scholarship wey ebe affiliated plus de Australian Institute of Sport den de New South Wales Institute of Sport.^[6] For club competitions insyd, she dey represent de Penrith Valley Canoe Club.^[6]

Insyd September 2009, Fox make ein Australian senior national team bid.^[6] She compete for de 2009 ICF World Ranking insyd Merano, Italy, wey she fini third insyd de K1 event.^[6] For de 2009 AYOF event insyd Penrith, New South Wales, she fini first insyd de women's K1 event.^[6]

Fox win wey she placed 5th insyd de K1 event wey she win bronze medal insyd de C1 event for de 2010 World Championship insyd Tacen.^[19] For de 2010 Summer Youth Olympics insyd Singapore, she win de gold insyd de girls' K1 slalom event.^[5][14] For de 2010 Junior World Championships insyd Foix, she win gold insyd K1, wey she win de inaugural C1 event for dat level. She win ein first World Cup by taking out de C1 event for de third round insyd La Seu d'Urgell. Domestically, Fox win de C1 event wey she place 9th insyd de K1 event for de Oceania Continental Championships insyd Penrith (dey count to World Cup points), wey she place 1st den 3rd for de National Championships insyd Eildon, Victoria, insyd de C1 den K1 events respectively.^[6]

Insyd 2011, Fox win gold medals insyd de C1 event for World Cups 2 den 3.^[6] For de 2011 World Championships insyd Bratislava, Slovakia, she fini 19th, wich give Australia automatic spot insyd de event for de 2012 Summer Olympics.^[6] She win silver medals for Australian Open den de Oceania Championships insyd de women's K1 event insyd 2011.^[6]

Insyd 2012 na dem select Fox make she represent Australia for de first time for de Olympics insyd de women's K1 event, wer na she win de silver medal for de age of 18.^[6] Ein pre-Olympic schedule include training for de Olympic course insyd London for April insyd,^[14][20] den World Cup competitions insyd Wales, France den Spain, plus de Junior World Championship insyd de United States.^[14] Na dem describe ein result as competitive revenge against de 44-year-old Czech paddler Štěpánka Hilgertová, wey na she beat Fox ein mommie Myriam to de K1 gold medal sixteen years earlier insyd de Atlanta 1996 Summer Olympics. Ein silver medal improve for ein mommie ein bronze top from Atlanta 1996 den ein poppie ein fourth place insyd Barcelona 1992, wey earn am de nickie "the Silver Fox" from teammates den de press.^[20]

She win ein first World Championship titles insyd de C1 event den de C1 team event for de 2013 World Championships insyd Prague.

For de 2014 World Championships for Deep Creek Lake, insyd de United States, Fox cam turn de first athlete make she win de C1 den K1 events for de same World Championships, besting Jana Dukátová, wey cam turn de first make she do am for separate events wey she win world championship title insyd K1 insyd 2006 den C1 insyd 2010.

Insyd 2016, Fox win ein second Olympic medal, plus bronze insyd de K1 insyd Rio de Janeiro, Brazil. After she win multiple World Cup races, she win de overall World Cup title insyd de Kayak Single Slalom (K1) den na she be second overall insyd Canoe Single Slalom (C1). She sanso win de U23 World Championships insyd K1 den C1 insyd Kraków, Poland. Additionally, she sanso win de Oceania Championships Slalom C1 insyd Penrith, Australia.^[21]

Insyd 2017, Fox win de K1 event for de 2017 World Championships, number of World Cup medals, de Canoeist of de Year award, den de NSW Athlete of de Year award.^[21][22] Insyd 2018, na Fox be double ICF Canoe World Champion insyd C1 den K1, wey she san win number of World Cups for both disciplines insyd. Ein 2018 season feature undefeated run insyd C1 ( wey she win all five World Cups den de World Championships), den three consecutive 'Golden Doubles' for de first three World Cups.^[23] Insyd 2019, she win de Oceania Championships insyd Canoe Slalom again, as well as de World Cup Overall for both events insyd.^[21]

She fini third make she win de bronze medal insyd de women's canoe slalom K1 for de 2020 Tokyo Olympics,^[24] wer na she sanso gain media attention for using condom take repair ein kayak.^[25] Insyd Tokyo na Jess sanso be de fastest qualifier for de final of de inaugural C1 canoe slalom event, wey she go on go win de gold medal, wey she beat silver medalist Mallory Franklin of Great Britain by more dan three seconds plus penalty-free run.^[26]

For de 2021 World Championships insyd Bratislava, Fox no progress to de final of either de K1 anaa C1 for de first time for ein entire career insyd, after she incur 50-second penalties insyd de semi-finals of both. For de final day of competition she cam turn World Champion insyd de Kayak cross, 8th individual world title insyd 3rd unique event, for just ein third international appearance insyd de event wich go make ein Olympic debut for Paris 2024.^[27]

Fox win de overall World Cup title six times insyd de C1 class (2013, 2015, 2017, 2018, 2019, 2023) den five times insyd de K1 class (2018, 2019, 2021, 2022, 2023). She fini de year as de World No. 1 insyd C1 10 times, wey dey include uninterrupted streak from 2013 to 2021, den World No. 1 insyd K1 6 times. Insyd 2021, na Fox be de highest ranked athlete insyd both events.^[28]

Fox dey compete wey dey represent Australia for de 2024 Summer Olympics insyd Paris, France, insyd de Women's slalom K-1 (for which she win de gold medal), de Women's slalom C-1, den de Women's slalom kayak cross events for 27, 28, 30, den 31 July den 2 August to 5 August 2024 for de National Olympic Nautical Stadium of Île-de-France insyd Vaires-sur-Marne. Na she be de opening ceremony flag bearer give Australia for de Paris Olympic Games.^[29]

Na Fox be de 2010 Penrith Press Junior Sports Star of de year den NewsLocal Medal winner.^[14]

She sanso serve as de ambassador for de Premier's Sporting Challenge.^[14]

Insyd 2010, na dem sanso name am de Cumberland Courier Junior Sport Star, NSWIS Junior Athlete of de Year den de Pierre de Coubertin AOC award.^[6]

Insyd 2009, 2010 den 2011, na dem name am de Junior Canoeist of de Year Australian Canoeing.^[6]

Insyd 2011, na dem name am de Australian Canoeing Athlete of de Year.^[6]

She earn de AIS Secondary Education award insyd 2011.^[6]

Na dem award am AIS Sport Performance Awards – Athlete of de Year for 2014.^[30]

From 2014 to 2019 na dem name am Maccabi Australia's Outstanding Jewish Sportswoman.^[31][32]

Insyd 2018, she win AIS Sport Performance Award Female Athlete of de Year.

Insyd de 2022 Australia Day Honours na dem award Fox de Medal of de Order of Australia.^[33]

Insyd 2017, Fox appear as celebrity contestant for de Australian version of Hell's Kitchen top.^[34][35] She cam 7th overall.

1. ^ Exhibition event
2. ^ ^{a b} No be medal event secof low number of nations wey dey participate

¹ Oceania Canoe Slalom Open counting give World Cup points

1. ↑ "Jessica FOX (AUS)". CanoeSlalom.net. Retrieved 30 September 2017.
2. ↑ "Jess Fox wins bronze after drama in K1 final". 7 News. 27 July 2021.
3. ↑ Budowsky, Ethan (26 July 2024). "Canoeing legend Fox bears Australian flag at Opening Ceremony, begins quest for history". nbcolympics.com. Retrieved 28 July 2024.
4. ↑ ^{4.0 4.1} "Encouraging signs for young Fox – London 2012 Olympic Games (Australian Broadcasting Corporation)". Australian Broadcasting Corporation. 11 June 2012. Retrieved 20 June 2012.
5. ↑ ^{5.0 5.1 5.2 5.3 5.4 5.5} "Jessica Fox: at home in water". Penrith Star. 30 May 2012. Retrieved 20 June 2012.
6. ↑ ^{6.00 6.01 6.02 6.03 6.04 6.05 6.06 6.07 6.08 6.09 6.10 6.11 6.12 6.13 6.14 6.15 6.16 6.17 6.18} "AIS Canoeing – Slalom – Jessica Fox (K1/C1)". Canoe.org.au. Retrieved 20 June 2012.
7. ↑ "Jewish Aussie 'Flying Fox' wins Olympic silver; Jessica Fox, Australian-Jewish kayaker, wins silver medal in London, 16 years after her mother won bronze in Atlanta". Haaretz. Retrieved 7 April 2014.
8. ↑ ^{8.0 8.1} Goldberg, Dan (5 August 2012). "Jewish Australian kayaker Jessica Fox takes silver medal". Jewish Telegraphic Agency. Retrieved 7 April 2014.
9. ↑ "2012 Summer Olympic medalists". Jewish Sports Review. Retrieved 7 April 2014.
10. ↑ "Jessica Fox". The Australian Jewish News. Retrieved 7 April 2014.
11. ↑ "Jews in the News: Andy Samberg, Seth Rogen and Henry Winkler". Letmypeoplegrow.org. Archived from the original on 23 October 2012. Retrieved 21 September 2012.
12. ↑ Goldberg, Dan (5 August 2012). "Jewish Aussie 'Flying Fox' wins Olympic silver". Haaretz. Retrieved 21 September 2012.
13. ↑ Bloom, Nate (21 August 2012). "Interfaith Celebrities: Lisa Kudrow; Tavi Gevinson, Oracle of Girl World; Olympic Results and Raisman's Rabbi". InterfaithFamily. Fox's British father, Richard Fox, 52, who is not Jewish, and her French Jewish mother, Myriam Jerusalmi-Fox, 51, were both top kayakers.
14. ↑ ^{14.0 14.1 14.2 14.3 14.4 14.5 14.6 14.7 14.8} Georgakopoulos, Chris (24 May 2012). "Jessica Fox to press home Olympics advantage – Canoe//Kayak". Penrith Press. Retrieved 20 June 2012.
15. ↑ ^{15.0 15.1 15.2 15.3} "Jessica Fox paddles into Second World Cup Slalom Final". Herald Sun. Retrieved 20 June 2012.
16. ↑ "ICF – Board of Directors". Canoeicf.com. Archived from the original on 29 June 2015. Retrieved 20 June 2012.
17. ↑ Knoke, Charlotte. (July 3, 2024). "Fox sisters Jess and Noemie to take on the Paris 2024 Olympics together," NOW to love.
18. ↑ "Sydney Uni Olympians take medals at London 2012". The University of Sydney. 3 August 2012. Retrieved 14 August 2012.
19. ↑ "2010 ICF Canoe Slalom World Championships SLOKA 2010". International Canoeing Federation. Archived from the original on 12 March 2012. Retrieved 20 June 2012.
20. ↑ ^{20.0 20.1} Herman, Martyn (2 August 2012). "Fearless Fox rises from depths to win silver". Reuters. Retrieved 2 August 2012.
21. ↑ ^{21.0 21.1 21.2} "Jessica Fox". Red Bull. Retrieved 7 May 2019.
22. ↑ "Jessica Fox snares top award". 27 November 2017.
23. ↑ "Fox Begins Pursuit Of Fourth Straight Golden Double". 31 August 2018. Retrieved 14 September 2021.
24. ↑ "Jess Fox claims Tokyo Olympics bronze medal in women's canoe slalom K1". ABC. 27 July 2021.
25. ↑ "How a condom helped Olympic canoeist Jess Fox repair her kayak". 7 News. 29 July 2021.
26. ↑ "Jess Fox wins Tokyo Olympics gold in C1 canoe slalom". ABC. 29 July 2021.
27. ↑ "Olympic Champions bounce back to best". ICF Media. 26 September 2021. Retrieved 29 September 2021.
28. ↑ "ICF Canoe Slalom World Rankings". 14 September 2016. Retrieved 17 September 2021.
29. ↑ Pentony, Luke. (24 July 2024). "Jess Fox, Eddie Ockenden named Australia's flag-bearers for Paris Olympics opening ceremony," ABC.
30. ↑ "Rabbitohs, Fearnley, Fox win top ASPAS". Australian Sports Commission News, 11 February 2015. Archived from the original on 11 February 2015. Retrieved 11 February 2015.
31. ↑ Desiatnik, Shane and Fetter, Aaron. "Maccabi Australia, NSW and VIC award winners". australianjewishnews.com. Retrieved 1 August 2024.
32. ↑ "OUTSTANDING SPORTSMAN & SPORTSWOMAN AWARD," Maccabi.
33. ↑ "Australia Day Honours List" (PDF). The Governor-General of the Commonwealth of Australia. 26 January 2022. Retrieved 25 January 2022.
34. ↑ Saw, Amelia (24 March 2017). "The celebrities taking on Marco Pierre White in Hell's Kitchen Australia are named". news.com.au. Retrieved 24 March 2017.
35. ↑ Coster, Alice (24 March 2017). "Hell's Kitchen Australia host doesn't know the celebrity contestants". Herald Sun. Retrieved 24 March 2017.

Wikimedia Commons get media wey dey relate to Jessica Fox (canoeist).

• Jessica Fox at de International Canoe Federation
• Jessica Fox at Olympics.com
• Jessica Fox at Olympedia
• Jessica Fox at de Australian Olympic Committee