Harku vald

Harku vald om umavalitsusütsüs Eestin Harjo maakunna põh'aõdagujaon.

Harku vald jääs Tal'nast õdagu poolõ. Põh'an om Harku valla piiris Soomõ laht. Hummoguhe jääs Tal'na liin, lõunõhe Saue vald ja õdaguhe Õdagu-Harjo vald. Harku valla keskus om Tabasalu.

Suur jago Harku valla merepiirist om pankrand, kuulsa kotus om tunnõt Türisalu pank.

Harku vallan om kats alõvikku ja 22 küllä. 2023. aastaga alostusõn elli Harku vallan kokko 17 294 inemist.

Harku, Tabasalu

Adra, Harkujärve, Humala, Ilmandu, Kumna, Kütke, Laabi, Liikva, Meriküla, Muraste, Naage, Rannamõisa, Suurupi, Sõrve, Tiskre, Tutermaa, Türisalu, Vahi, Vaila, Viti, Vääna, Vääna-Jõesuu

Harku vallan ommaq vanaq ja uhkõq mõisaq, näütüses Harku ja Väänä, pall'oq ommaq ärq nimmaduq joq 15.–16. aastagasaal vai viil inne. Harku mõisan tetti 28. süküskuu pääväl 1710 aoluulinõ Harku rahu.

• 
  Kultuskivi Kumna külän
• 
  Läteq "Ristallikas" Humala külän
• 
  Peeter Suurõ Merekindlusõ Humala positsiooni roodupaos nr 1
• 
  Kumna mõisa vahtsõnõ päähoonõq
• 
  Keila pastoraadi päähoonõq

• Harku valla kodoleht