The Clearing (cinta)

The Clearing
Títol	The Clearing
Póster d'a cinta.
Ficha tecnica
Dirección	Pieter Jan Brugge
Dirección artistica	Paul Huggins
Producción	Pieter Jan Brugge Jonah Smith Palmer West
Disenyo de producción	Lucrezia Casta Chris Gorak
Guión orichinal	Pieter Jan Brugge Justin Haythe
Musica	Craig Armstrong
Fotografía	Denis Lenoir
Montache	Kevin Tent
Escenografía	Marthe Pineau
Vestuario	Florence-Isabelle Megginson
Casting	Victoria Thomas
Actors	Robert Redford Helen Mirren Willem Dafoe Alessandro Nivola Matt Craven Melissa Sagemiller Wendy Crewson Larry Pine Diana Scarwid
Color	Color by DeLuxe Panavision
Datos y cifras
País(es)	Alemanya Estaus Unius
Anyo	2004
Debantadera	Chinero de 2004 Festival de Cine de Sundance (Park City, Utah, Estaus Unius)[1] 27 de setiembre de 2004 Festival de Cine d'Hamburgo (Hamburgo, Alemanya).[1]
Chenero(s)	Cine de drama Cine d'intriga
Durada	95 min.
Idioma(s)	Anglés
Companyías
Productora(s)	Blue Ridge Motion Pictures Fox Searchlight Pictures Mediastream Dritte Film GmbH & Co. Beteiligungs KG Thousand Words Wildwood Enterprises
Distribución	Fox Searchlight Pictures
Presupuesto	12,5 millons de dólars
Informacions en bases de datos especializadas:

The Clearing (títol orichinal en anglés, en aragonés A liquidación, enguerada el Aragón con o títol en castellano de La sombra de un secuestro, en aragonés La uembra d'un secuestro) ye una cinta de cine estausunidense de cine d'intriga enguerada l'anyo 2004, dirichida por Pieter Jan Brugge seguntes un guión orichinal d'él mesmo y de Justin Haythe, con una banda soora orichinal de Craig Armstrong y una producción cinematografica de Pieter Jan Brugge, Jonah Smith y Palmer West ta las productoras Blue Ridge Motion Pictures, Fox Searchlight Pictures, Mediastream Dritte Film GmbH & Co. Beteiligungs KG, Thousand Words y Wildwood Enterprises. Conta con un elenco d'actors formau, entre d'atros, por Robert Redford, Helen Mirren, Willem Dafoe, Alessandro Nivola, Matt Craven, Melissa Sagemiller, Wendy Crewson, Larry Pine y Diana Scarwid.

A cinta s'inspira en un caso real, o secuestro de Gerrit Jan Heijn, un empresario neerlandés, en os Países Baixos en 1987, y conta cómo Wayne Hayes, un empresario, vive en un suburbio de Pittsburgh, en Pennsilvania, a on nomás viven que personas bien cabaleras. Vive con su muller, Eileen, y ya suenia con pasar bien luego a la retreta. Tanimientres, ye secuestrau por Arnold Mack, qui resulta estar un d'os suyos antigos treballadors y de qui no s'acorda, encara que tiene prou buena memoria y ye buen fisonomista. Preba de negociar con o secuestrador, qui li diz que treballa por cuenta d'atros, y d'atra man su muller tracta con o Federal Bureau of Investigation ta conseguir a suya liberación. Mientres l'abance d'a investigación, Eileen conoix que su mariu no heba rematau con una relación extramatrimonial que teneba con una antiga emplegada encara que li heba prometiu rematar-la. Finalment, o secuestrador, que actúa en solitario, contacta con Eileen y recibe lo rescate, pero no libera a Wayne porque en realidat l'heba matau antes de cobrar os diners.

A cinta s'ambienta en a suya epoca actual (2004) en Pittsburgh y atros puestos de Pennsilvania, y las suyas escenas se filmoron en Asheville (Carolina d'o Norte), Atlanta (Cheorchia) y Pittsburgh (Pennsilvania).^[2]

D'atra man, se tracta d'una cinta que ha recibiu bella nominación a bel premio, pero que no fa parte d'os premios cinematograficos mas conoixius u destacaus.

• Cine en 2004.
• Cintas de 2004.