Friedrich Paschen
fisikari alemaniarra
Friedrich Paschen (Schwerin, 1865eko urtarrilaren 22a - Potsdam, 1947ko otsailaren 25a) alemaniar fisikaria izan zen.
Tubinga, Bonn eta Berlingo Unibertsitateetan irakaslea izan zen. Izpi infragorriak, eta platinoaren eta gas gorituen espektroetan gertatzen den energia-banaketa aztertu zituen. Hidrogenoaren eta helioaren espektroen arrastoen uhin-luzera neurtu zuen. Espektro-lerroen egitura finari eta X izpien espektroari buruzko ikerketak ere egin zituen. Azken hauen bidez Sommerfeld-ek atomoen egiturari buruz formulatu zuen teoria erlatibista esperimentu bidez egiaztatu zuen. Fisikan, Paschenen saila esaten zaio hidrogenoaren espektro-lerroen sailari.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.